1. |
Druck
03:13
|
|||
du stehst auf in da frua, wüst de augen aufmochen owa
se bleim zua, wüst an kaffee kochn owa
host ned knua, wüst a wengal lochn owa es
kumt ned dazua, es kumt ned dazua
weil deine fiass schwa, und des nur liegen leicht is
und des kind in dir scho längstens a leich is
du bist in an käfig aus ordnern und papier
dei laptop in da mitten und a schotten vo dir
der ausse wü, und's ned alane kaun
weil des mitn schotten eignli wirkli nur bei peter pan woa
und des mitn fliagn host da a scho ogschminkt
beim obheben scho host söwa ogwinkt
weil deine ketten zu schwa und dei aungst zu groß is
weil du ned was ob do nochand nu wos ist
waunst di aussi lahnst und moi nix planst
waunst moi loslosst und wida vo wos dramst
frogst di bin i varruckt
bin i de anzige de des ned druckt
frogst di bin i varruckt
oda is des de wöd de i nimma druck
wüst wos sogn owa kriegst in mund ned auf
und deine haxn wissen a ned obst as wirkli nu brauchst
weilst di ned bewegst, nur auf facebook bist
und bei jedem scheißdreck gefällt mir klickst
und host du a poa likes daun fühlst dich geliebt
und filterst olles wos du denkst durch dieses sieb
obs wem gfoin kunt, ob's wem auffoit
und des kritische denken des stirbt hoid
owa es is eh wurscht, es wü eh kana wissen
weil um kritische menschen hod si eh nu kana grissn
waun du auneckst und draufpeckst
ned loslosst und vasuachst dasd wen aufweckst
daun hod di kana gern daun bist fia neamt da höd
post a foto vo deim essen weil nur daun wirst wieder gwöht
i glaub das des de berater de politiker sogn
oda gibt’s an aundan grund warum de kane inhoite hom?
frogst di bin i varruckt
bin i de anzige de des ned druckt
frogst di bin i varruckt
oda is des de wöd de i nimma druck
|
||||
2. |
Ruibredlrotzn
03:54
|
|||
da ane bruada is a kiwara, da aundre lebt am hof
und da dritte, da jingste, der is des schwoaze schof
es hod augfaungt wira 12 woa, hodas moi im fernsehen gsehn
und daun hod a a ans hom wuin, a bredl zum skaten
da ged hod si daboamt und zur firmung woas so weid
er hods fost ned glaubt, hod si an haxn ausgfreit
is aussi auf de stroßn und am nextn tog a
boid is kana mehr vagaunga wo a ned am bredl wa
mit de ruibredlrotzn auf die ruibredln drauf
du sogst es is dei leben für die bredln würdsd ois geben
mit de ruibredlrotzn beim ruibredlfoan
is da wuascht waun die aundan sogn ihr sads doch olle norrn
launge hoor, tiafe hosn, dmama häds erm gern vabotn
wora wida moi zschert, hods in gaunzen obend plerrt
aus dem wird nix mehr, do is ka kraut dagegen gwochsn,
hod da papa gmant, weil a in gaunzn tog dramt
mitn kraut homsa se a vaschätzt,
s'gibt scho an grund warum a si ned hetzt
erm stresst des ned, losst die ötan auglahnt,
und was dasa im leben sicha nix vasamt.
mit de ruibredlrotzn auf die ruibredl drauf
du sogst es is die leben für die bredln würdsd ois geben
mit de ruibredlrotzn beim ruibredlfoan
is da wuascht waun die aundan sogn ihr sads doch olle norrn
de hoa san imma länger woan, daham homs imma bleda gschaut
Lerna sulla, hackln geh, ned auf dem bleden bredl stehn.
Liawa traktor foan und sau ostechn, stott beim foan ses gnack fost brechen
so findsd du doch nie a lehr, schneid dzodn o und geh zum heer
hod da voda gsogt und ghofft, dasan so nu ummibringt
gfrein duat a se scho, waun da bua daun a wos gwinnt
Dasan hof ned üwanimmt is erna mittlaweile kloa
owa irgendwie sans froh, dassa imma glicklich woa
|
||||
3. |
Koids Wossa
04:03
|
|||
kum
spring ma ins koide wossa
i vasprich da unsa gschicht wird ned bona geh
die nymphe in da neichn donau
hod scho vü vorbeischwimma gsegn
si singt ma vor i sui einitauchn
owa i würd vü liawa nur de zechn einistreckn
oder doch - mitn kopf
und mit de fiass - daun in gatsch
wos is untan gatsch - gibt’s do nu mehr
und woher kuman eigntlich de stana her
kum spring ma ins koide wossa
i vasprich da unsa gschicht wird ned bona geh
de nymphe in da lobau
schaut mi imma so liab aun
si sogt ziag a moi aun
und daun wiast di a draun
loss dei gwaund am ufer
kum liaba zuwa
zuwa zu mir damitst mi gschbiast
und daun wast is leben is siass
is leben schmeckt siass
kum spring ma ins koide wossa
I vasprich da unsa gschicht wird ned bona geh
die nymphe am schwarzenbergbrunnen
is ane vo de eher jungen
ihr stimm is hoch wia a klane glockn
und mit der wüs mi ins wossa einilockn
sie wü das i zu ihr einigeh
das ma ned einderf des duat niagends steh
is wossa is koid meine hoa san nos
i bin am leben weil i mi leben loss
|
||||
4. |
Giga
03:36
|
|||
i gfrei mi sehr dasma se segn
es is eh scho vü zschbod gschegn
jetzt kim i aussa und bleib do
giga is fett und ritsch is so:
i bin do frogst di wieso
daun frog di ned des hod kan zweck
weil i, i geh nimma weg
i hob wos gfundn do wü i bleim
bei da snare und auf da time
i hob mi gschundn, s'woa ned so leicht
owa jetzt bin i in mein bereich
vü stöhn da is haxl und sogn das des nix wird
owa i schapp ma a hackl und haus in d'birn
natirlich nua büdlich, echt wad ma blöd i
moch bei eicham schas ned mid
schwaunzvagleichn zaht mi ned
ajo de hod jo kan, derf des denn sei?
a frau mi an mikro, bitte huits di polizei!
a seltene spezies, und des imma nu
2016 - is des wirklich a so?
i bin oft die anzige, i find des so ranzig, he
wa des so schwa, i ma das endlich zeit wa
frauenmundoatrap, des gibt’s quasi ned
oiso merkts eich mei gsicht
weil i schreib jetzt gschicht
moch plotz in deim gehörgaung
und loss di giga ritsch raun
du wirst di nu auschaun
wos de mit dir olles mochn kaun
huach in di eini
du brauchst ned verzweifin
weil in deim kopf do schleich i
und bohr mi weida eini
i bohr mi imma weida eini
|
||||
5. |
Nu Ans
03:54
|
|||
GIGA
I gspia die liachtln, hob kurz die augn zua
du wüst imma nu biaschtln owa i hob scho knua
scho seitn letzten wiaschtla frog i mi wos i do dua
owa du schleppst mi mit, und gibst nu imma ka rua
wir reden scho laung nix mehr, uns banglds scho her
du hoidst mei hüftn und muast di ostützn
oda bin des i de si bei dir aunlahnt
und jeden zweiten gedaunken vadraht
i bin ma nimma sicha wie gscheid des eigentlich woa
wir segn heid uns zum ersten moi seit zwa joa
und wuitn nur auf an gachn, auf an hupfa auf an sprung
owa wia wissn eh beide, wos daun nochn sprung kumt
und so sitz ma jetzt do, am gehsteig am giatl
du grinst mi aun und singst irgenda liadl
wo i ned zuagib das is eigentlich ned kenn,
i loch valegn, du wast genau wos i ma deng
schauma nu weida, trinkma nu a bier, rauch ma nu an?
hauptsoch wir gengan nu ned ham
Strophe YASMO
schauma nu weida, trinkma nu a bier, rauch ma nu an?
hauptsoch wir gengan nu ned ham
Strophe SELBSTLAUT
schauma nu weida, trinkma nu a bier, rauch ma nu an?
hauptsoch wir gengan nu ned ham
|
Streaming and Download help
If you like Giga Ritsch, you may also like:
Bandcamp Daily your guide to the world of Bandcamp